Химиялаштыруу жана өсүмдүктөрдү коргоо департаментинин аткарып жаткан иштери тууралуу маалыматы

2019-жылдын 13-сентябрындаЫсык-Көл облусунун Жети-Өгүз районунун Саруу айылынын кырманында күздүк кылкандуу дан эгиндерин ууландыруу башталып, Ысык-Көл регионалдык Химиялаштыруу жана өсүмдүктөрдү коргоо бөлүмүнүн адистери тарабынан дыйкан фермерлерге, дан эгиндерин ууландырууда кантип коопсуздукту сактоо керектигин жана канча нормада пестициддерди колдонорун түшүндүрүп, маалыматтар жана сунуштар берилди. Көпчүлүк учурда фермерлер Раксил, ВРК (тебуконазол, 60 жана 120 г/л) болгон үрөөн ууландыргычтарды колдонуп келишет. Андан сырткары Витацид КС (25+25г/л), Титул Дуо, ККР (200+200г/л), ТМТД, ВСК (400 г/л), ж.б. көптөгөн үрөөн ууландыргычтар Мамлекеттик каталогдон өтүп колдонулуп келүүдө.