2019-жылдын 1-декабрына карата тоют даярдоо боюнча ыкчам маалымат
Мал чарба, асыл тукум жана илим бөлүмү облустар боюнча тоют даярдоо жөнүндө маалыматын билдирет.
2019-жылдын 1-декабрына жалпы Республика боюнча 3787360 тонна тоют даярдалган, 2018-жылга салыштырганда 177752 тоннага көп, анын ичинен: чөп – 2996870 тонна 2018-жылы болсо 2907060 тонна даярдалган, өткөн жылга салыштырганда 2019-жылы чөп 89810 тоннага көп болду. Саман 636735т. даярдалган, өткөн жылга салыштырганда 74706 тоннага көп же болбосо 13,3% пайызга жогору.
Чүй облусунда бардыгы 1009160 тонна тоют даярдалды, бул көрсөткүч өткөн жылга караганда 49546 тоннага көп.
Ош облусу боюнча 2019-жылы 658656 тонна тоют даярдалган, ал эми 2018-жылы 636684 тонна тоют камдалган. Бул 21972 тоннага көп, өткөн жылдын деңгээлинен 3,5% жогору.
Жалал-Абад облусу боюнча 2019-жылдын 1-декабрына карата 886043тонна тоют даярдалган, өткөн жылга караганда 49974 тоннага көп, анын ичинен чөп – 681929 тонна өткөн жылга караганда 34716 тоннага көп же 5,4% жогору. Саман – 114900 т. даярдалган, ал эми 2018-жылы 106432 т. 2019-жылы 8,0% көп даярдалды.
Баткен облусу боюнча бардыгы 129877 тонна тоют даярдалган, өткөн жылга караганда 1673 тоннага көп, анын ичинен чөп 98828 тонна даярдалды, 2018-жылга караганда 1,5% же 1443 тоннага жогору.
Тоют даярдоо аяктады. Фермер чарбаларында жүгөрү, арпа, буудайды кайра иштетүү жүрүп жатат.
