Республикада 2019-жылга карата жазгы талаа иштеринин даярдыгы тууралуу
КР Өкмөтүнүн 2019-жылдын 1-февралында кабыл алынган № 10-б буйругу кабыл алынды. Аталган буйруктун негизинде 2019-жылдын түшүмүнө сунушталган айыл чарба өсүмдүктөрүнүн аянттарынын түзүмү боюнча жер-жерлерде окутуу-семинарлар өтүүдө.
Быйылкы жылы региондор боюнча адистештирүүгө өзгөчө көңүл бөлүнөт.
Быйылкы жылы региондор боюнча адисдештирүүдө, ар бир региондогу айыл чарба өсүмдүктөрүнүн өзгөчөлүктөрүн эске алып, ошол региондогу рентабелдүү көп киреше берүүчү жана экспортко багытталган өсүмдүктүн түрлөрүн өстүргөнгө дыйкан-фермерлерге сунуштап жатабыз.
2019-жылы айыл чарба өсүмдүктөрүнүн түзүмүнүн жалпы аянты 1219,4 миң га түзөт, же өткөн жылга салыштырмалуу 4,5 миң га кеңейиши болжолдонууда.
Дан өсүмдүктөрүнүн жалпы аянты орточо 620 миң га деңгээлинде калууда, же жалпы себүү аянтына карата 51,1 % түзөт. Быйылкы жылы баардык дан эгиндеринин себүү аянттары 623,0 миң га түзүп, 2018-жылга салыштырмалуу 6,3 миң га аз күтүлүүдө. Ошону менен бирге бул мөөнөттүн ичинде кээ бир айыл чарба өсүмдүктөрүнүн себүү аянттарында өзгөрүүлөр болду.
Алсак, буудайдын себүү аянты 2016-жылы 270,4 миң га аянттан 2018-жылы 253,8 миң га, же 16,6 миң га аянттка чейин кыскарган, 2019-жылы түшүмдүүлүгү төмөн болгон тоолуу аймактардын эсебинен аштык буудайдын айдоо аянты 12,3 миң гектарга азайып, жалпы 241,5 миң га болжолдонууда.