КРнын Премьер-министри Т.Сариевдин тапшырмасына ылайык, өкмөт мүчөлөрү республиканын бардык облустарын, райондорун иш сапар менен кыдырып жүрүшөт. Иш сапардын негизги максаты КРнын өкмөтүнүн 2015-жылда жасалган иштер жөнүндө жана алдыдагы 2016-жылы жасала турчу иштер туурасында маалымат берип, калк менен жеринде пикир алышуу болуп саналат. Мындан сырткары, жолугушууда жазгы талаачылык иштерине даярдыктар, электрэнергиясына болгон тарифтердин өзгөрүшү тууралуу, социалдык фондго болгон төлөмдөрдүн өзгөрүшү, насыя алуучулардын, көйгөйлөрүн чечүү жолдорун ошондой эле  кыймылсыз жана кыймылдуу мүлктөрдү милдеттүү түрдө камсыздандыруу иштери боюнча түшүндүрүү иштери да жүргүзүлүп жатат.  Иш сапарды жетектеген КРнын Айыл  чарба жана мелиорация министри Т.Бекбоев башында турган жумушчу топ  бүгүн Ысык-Көл облусунда жүрүшөт. Атайын түзүлгөн графикке ылайык, эртең Чүй облусуна барышмакчы.

Пресс-служба МСХ и М КР