25-сентябрьда Кыргыз Республикасынын Айыл чарба, тамак-аш өнөр жайы жана мелиорация министрлиги уюштурган "Агро Экспо 2019" жарманкеси ачылды. Аталган иш чарага өлкө аймактарынан 200 дөн ашуун дыйкандар катышып, айыл чарба техникалары менен таанышты. Жарманкеге 50 дой фирма катышып, бир канча өлкөлөрдүн айыл чарба шаймандары жана техникалары коюлду. Иш чараны "Айыл банк" каржылап, ачылышына Вице-Премьер министр Замирбек Аскаров жана Жогорку Кеңештин агрардык саясат, суу ресурстары боюнча комитетинин төрагасы Нурбек Алимбековдор катышты.