Лабараториялардын курулушу жанданды
КРнын Айыл чарба, жана тамак –аш өнөр жайы жана мелиорация министринин орун басары Э.У Чодуев “КАБАР”  маалымат агенттигинде  журналистер үчүн атайын маалымат жыйынын өткөрдү.
Жыйында, азык түлүктөрдүн сапатын текшерүүчү лабораториялардын курулушу жана алардын жакын арада ишке кириши жөнүндө маселе көтөрүлдү. ЕАЭБдин алкагында Кыргызстанда өндүрүлгөн айыл чарба азыктарын экспортоого атайын Ысык-Көл областынын Түп районунда жана Талас областынын Кара-Буура районунда премьер министр Сооронбай Жээнбековдун тапшырмасы менен өкмөттөн бөлүнгөн атайын каражатка эки лабаратория капиталдык ремонттон өтүп, алардын жабдууларын орнотуу боюнча иш-чара жүрүп жатканын айткан Айыл чарба, тамак аш өнөр жайы жана мелиорация министринин орун басары Эркинбек Чодуев дагы жакынкы аралыкта ушундай эле лабараториялар өлкөбүздүн ар бир областында курулаарын билдирди.